Gjykata e Apelit për Krimet e Rënda ka përfunduar shqyrtimin e ankimit të nëntë të pandehurve të dosjes "Lazarati 2", të akuzuar për vrasjen e efektivit të RENEA-s, Ibrahim Basha.
Trupi gjykues vendosi shtyrjen e seancës për në datën 20 nëntor në orën 12:00 për shpalljen e vendimit përfundimtar.
Grupi 'Lazarati 2' i përbërë nga 11 persona më 14 muaj ka apeluar vendimin e dënimit për akuzën e vrasjes së efektivit Ibrahim Basha në qershorin e 2015.
Në lidhje me vrasjen e efektivit Ibrahim Basha, Gjykata e Krimeve të Rënda vendosi dy dënime të përjetshme dhe 150 vite burg për 11 të pandehurit e dosjes “Lazarati 2” të njohur si “grupi i zjarrit”, pjesë e grupit kriminal, në akuzë për ngjarjet e qershorit të 2015-ës.
Gjykata vendosi këto dënime
Bajram Bocia - Burgim i përjetshëm
Arbjon Aliko - Burgim i përjetshëm
Elvis Bocia - 35 vite burg
Alban Aliko - 20 vite burg
Klodian Selimi - 13 vite burg
Xhulio Malo - 10 vite burg
Elson Kazma - 18 vite burg
Dervish Gaba - 15 vite burg
Ruhan Hiraj - 15 vite burg
Iljaz Xhaferaj - 15 vite burg
Oltion Proko - 9 vite burg
Vendimi u prit me tensione të forta mes organit të akuzës dhe familjarëve, këta të fundit u nxorën jashtë ambienteve nga forcat e sigurisë.
