Një ditë pasi publikoi listën me personat e rrezikshëm në qarkun e Vlorës, sot policia e Shtetit kërkon ndihmë për arrestimin e 17 njerëzve të dënuar për krime të ndryshme në qarkun e Fierit, por që janë në arrati.
“Ja 17 personat në kërkim me rrezikshmëri shumë të lartë, në qarkun Fier, të dënuar me burgim të përjetshëm, dhe me 25 vjet burg.
Policia e Shtetit fton cilindo që ka dijeni mbi vendndodhjen e tyre të telefonojë Policinë në numrin pa pagesë 112, duke ju garantuar anonimatin.
Ndihmo dhe ti në sigurinë publike”, njofton policia.
Ajo që vihet re është fakti se një pjesë e madhe e tyre janë dënuar me burgim të përjetshëm, ndërsa për disa policia nuk disponon as fotografi.
