Një i ri shqiptar, Begtash Muka, është kapur më në fund nga Policia e Maltës, pasi ishte shpallur në kërkim prej një viti për një grabitje prej qindra mijëra eurosh nga “Diamond International” në Tigne.

Ai u pikas nga ushtarët duke u përpjekur të hyjë në një kazermë ushtarake në Safi.

Para se të hynte në kazermë, ai u përpoq të kërcente mbi një gardh për të hyrë në aeroport, por nuk ia arriti dot. Policia është duke hetuar pse deshi ta bëntë këtë ai.

Të shtunën në mëngjes, oficerët e sigurisë në Parkun e Aviacionit në Safi panë një makinë të zezë që zonën e parkimit të makinave që u ndal pranë murit që e ndante këtë hapësirë nga zona e parkimit  të avionëve.

Shoferi doli nga makina dhe u ngjit në mbulesë duke u përpjekur të hidhej matanë, të kapërcente gardhin dhe të hynte në zonën e ndaluar të aeroportit pranë avionëve të parkuar jashtë hangarit të kompanisë Medavia.

Kur shqiptari pa ushtarët të suleshin drejt tij, ai kapërceu rrugën dhe u hodh mbi një barrierë sigurie për të hyrë në barakat e Forcave të Armatosura.

Nisi menjëherë kërkimi për këtë njeri derisa oficerët e Shërbimit të Paraburgimit kërkuan ndihmë kur ata u gjendën ballë për ballë me të dhe u kishte drejtuar një armë zjarri.

Shqiptari u rrethua nga ushtarët dhe iu mor arma.

Oficerët e Ndërhyrjes së Shpejtë e arrestuan menjëhërë.

Nga hetimet u zbulua se makina e përdorur nga ai kishte të dhëna të vjedhura nga një mjet tjetër që u gjet i parkuar diku tjetër. Vetë makina e përdorur nga shqiptari duhej të kishte pasur targa të Britanisë së Madhe.

Nuk përjashtohet mundësia që përveçse po përpiqej të ikte nga Malta, Muka po planifikonte të kryente një akt kriminal në aeroport.

Vëllai i tij Daniel Muka ishte arrestuar më herët. Në fund të tetorit 2018,  Daniel Muka doli para gjykatës në lidhje me grabitjen e “Diamonds International” dhe tentativën e vrasjes së dy policëve gjatë arrestimit të tij. Daniel Muka, 22 vjeç u akuzua për përfshirje në grabitjen e 5 tetorit në “Tigne Point”, gjatë së cilës një oficer i sigurisë u plagos dhe një sasi e konsiderueshme e bizhuterive u vodh.

Daniel Muka tha se ishte i pafajshëm, megjithatë gjykata vendosi ta lërë në burg dhe urdhëroi ngrirjen e pasurisë së tij.