Një 42 vjeçar i shpallur në kërkim ndërkombëtar me qëllim ekstradimi drejt Italisë është arrestuar në Tiranë.
Shërbimet e D.V.P. Tiranë në bashkëpunim me Zyrën Kombëtare të Interpolit kapën dhe arrestuan përkohësisht shtetasin Besnik Bungaja (alias Besnik Leka, alias Astrit Leka), 42 vjeç, banues në Tiranë.
"Ky shtetas është person i shpallur në kërkim ndërkombëtar, pasi Gjykata e Napolit/Itali ka vendosur ndaj këtij shtetasi masën e sigurisë arrest me burg për veprat penale “Pjesëmarrje në grupe kriminale” dhe “Shfrytëzim prostitucioni”, parashikuar nga nenet 81, 110, 3, nr.4, 5, 6, 7, y, 8 neni 75/58, neni 600 të Kodit Penal Italian," informon policia e Tiranës.
Veprimet e mëtejshme në lidhje me këtë shtetas do të kryhen nga Zyra Kombëtare e Interpolit.
