Vranësirat dhe shirat mbeten prezente në të gjithë vendin, më të dendura në veri dhe në zonat Qendrore të Shqipërisë.

Por reshje dëbore do të ketë në zonat malore, kryesisht në verilindje. Parashikohet që pasditja të sjellë ndalje të shirave dhe dëborës, për t’u rikthyer serish ne orët e vona të natës.

Sipas MeteoAlb, temperaturat e ajrit rriten ndjeshëm gjatë mëngjesit por mesdita sjell rënie të lehtë të tyre duke luhatur vlerat ditore nga 4 deri 20 °C. Era do të fryjë mesatarisht me shpejtësi mbi 40 km/h nga drejtimi Jugperëndimor duke gjeneruar në det dallgëzim mbi 3 ballë.