Me rastin e 74-vjetorit të Çlirimit të Shqipërisë, Presidenti i Republikës, Ilir Meta zhvilloi homazhe sot paradite në Varrezat e Dëshmorëve të Atdheut.
Presidenti Meta nderoi dhe u përul me respekt para kujtimit, sakrificave dhe lavdisë së heroizmit të tyre, duke vendosur edhe një kurorë me lule te Monumenti i “Nënës Shqipëri”.
“Gëzuar 29 Nëntorin!
Mirënjohje për të gjithë partizanët, heronjtë dhe dëshmorët e Luftës Antifashiste Nacional-Çlirimtare, të cilët sakrifikuan gjithçka për çlirimin e Shqipërisë. Lavdi të përjetshme”, shkruan Presidenti Meta në Facebook.
