Ish-ministri i Drejtësi, Ylli Manjani, ka ironizuar sjelljen e shqiptarëve karshi festave kombëtare. Edhe pse shqiptarët festojnë dhe bëjnë rolin e patriotit në 28 dhe 29 nëntor, vendi ku ata zgjedhin t’i festojnë këto dy festa, janë pikërisht në shtet të cilat na kanë pushtuar.
Manjani e ka quajtur absurde sesi shqiptarët sillen në këto ditë të veçanta, ku pavarësinë e festojnë në Turqi, dhe çlirimin duke kërkuar azil në Gjermani.
“Sa absurde! Pavarësinë nga Turqia e festojmë në Turqi. Turqia mbetet destinacion turistik i përhershëm i yni...
Çlirimin nga Gjermania e festojmë duke kërkuar azil në Gjermani. Pra, nuk e kemi seriozisht”, shkruan Manjani.
