Bashkimi Europian i Studentëve, një organizatë ndërkombëtare umbrellë, mbështet vendimin e studentëve shqiptarë për të protestuar për të drejtat e tyre. “ESU është me studentët dhe rrjedhimisht mbështet synimet e protestave paqësore në vazhdim’, tha Marta Nunez, zëdhënëse e Unionit, e kontaktuar nga Politiko.al.
Në një deklaratë të organizatës studentore ndërkombëtare thuhet gjithashtu se këto janë ‘protestat më të mëdha që nga viti 1990’. Po aty theksohet se një vendim i Këshillit të Ministrave të Shqipërisë ka krijuar pakënaqësi të mëdha ndër studentët shqiptarë, gjë e cila ka çuar në protesta masive.
Deklarata e ESU liston gjithashtu edhe kërkesat e studentëve shqiptarë.
Komunikimi i gazetarit te Politiko me ESU
