Një aksident me vdekje ka ndodhur në autostradën Levan-Tepelenë mëngjesin e sotëm. Mësohet se aksidenti ka ndodhur rreth orës 09:00, në afërsi të vendit të quajtur “24 Orëshi”, Mallakastër. Shtetasi me iniciale A.H, 27 vjeç, duke drejtuar automjetin tip “Range Rover”, ka përplasur një motoçikletë. Si pasojë ka gjetur vdekjen e menjëhershme drejtuesi i motoçikletës, ende i pa identifikuar. Po shoqërohet në Komisariatin e Policisë Fier drejtuesi i automjetit, shtetasi A.H. Grupi hetimor po punon identifikimin e viktimës dhe zbardhjen e plotë të ngjarjes.
***
Identifikohet personi i cili humbi jetën si pasojë e aksidentit rrugor të ndodhur në orët e para të mëngjesit të sotëm. Viktima është Arif Lamaj, 57 vjeç, banues në Mollaj, Mallakastër. Aksidenti i rëndë ndodhi rreth orës 09:00 të kësaj të enjte, në autostradën Levan-Tepelenë. Në afërsi të vendit të quajtur “24 Orëshi”, Mallakastër, 27-vjeçari A.H., duke drejtuar automjetin tip “Range Rover”, përplasi motoçikletën me të cilën udhëtonte Lamaj. Si pasojë e dëmtimeve të marra gjeti vdekjen e menjëhershme drejtuesi i motoçikletës. Sakaq nga ana e policisë është shoqëruar në komisariat drejtuesi i automjetit, teksa vijon puna për zbardhjen e plotë të ngjarjes.