Ka nisur sërish sot protesta e banorëve të Astirit të cilët kundërshtojnë vijimin e zbatimit të projektit për ndërtimin e Unazës së Re, pasi ata e quajnë një projekt korruptiv që dëmton interesat e vendit dhe banesat e tyre.
Ata kanë përsëritur thirrjet e tyre ndaj Kryeministrit Rama dhe kryebashkiakut Veliaj që të anullojnë projektin sepse në të kundërt ata deklaruan se rezistenca do të vijojë.
Për ti mbështetur ata është i pranishëm në protestë edhe kryedemokrati Lulizm Basha, bashkë me deputetët që janë për rreth 3 muaj në mbështetje të banorëve të unazës.
Basha tha se përgjegjësit janë Rama dhe klientët e tij.
Por vijoi ai, qeveria ka rënë. Basha i bëri thirrje shqiptarëve të ndalojnë hajdutërinë e qeverisë për të marrë çdo gjë me koncension. Ai iu referua edhe mbledhjes së Këshillit Bashkiaku ku Erjon Veliaj po jep me koncension sot parkimet e kryeqytetit.

Sipas kreut të opozitës, ‘prokuroria meriton grushtin e protestës, njësoj si Rama e Veliaj’.

‘Po asistojmë në një farsë totale.

Prokuroria duhet të çojë në burg politikanët e kapur në flagrancë, duke blerë e shitur vota.

Me aktin e sotëm ku ajo shqetësohet për nxjerrjen e sekretit nga Zëri i Amerikës, prokuroria meriton grushtin më të fuqishëm me 16 shkurt, njësoj si Edi Rama dhe Erion Veliaj’, tha Basha për gazetarët, ndërsa ishte duke folur me banorët e zonës së Astirit.

Vijon...