Më 6 shkurt Sokol Rama u shpall i humbur, por vetëm para pak ditësh ai u gjet i vrarë në malet e Përmetit.
Vrasësi i viktimës është miku i tij, Roland Milo, i cili e ka pranuar krimin. ‘Nuk doja ta vrisja shokun tim Sokol Ramën, por humba kontrollin. Pasi debatuam për një shumë prej 3500 euro mora kallashnikovin dhe e qëllova. Debatuam për 3500 euro që kishim fituar nga një sasi lëndësh narkotike. I ndanim gjithmonë fitimet që kishim nga vjedhjet dhe shitja e hashashit’, tha Roland Milo.
Ndërkohë, kujtojmë që trupi i pajetë i Sokol Ramës u gjet brenda makinës së tij në një humnerë. Nga ana tjetër, gjykata ka vendosur masën ‘burg pa afat’ për autorin.
Gjithashtu, gjykata ka shmangur burgun e Bënçës për burgosjen e autorit, pasi në të ndodhen disa të afërm të Sokol Ramës, që po vuajnë dënimin e tyre.
