Nuk i kishte kthyer borxhin, prandaj e futi në makinë pa dëshirën e tij.

Kjo është arsyeja  pse 30-vjeçari u arrestua këtë të hënë dhe dy të tjerë janë shpallur në kërkim, për akuzën: heqje e paligjshme e lirisë.

Gj.Q. 30 vjeç, banues në Yzberish (Tiranë) u vu në pranga, ndërsa u bë shpallja në kërkim policor e vëllezërve J.N. dhe Xh.N., të dy banues në Durrës.

Sipas policisë, këta tre persona, në bashkëpunim me njëri-tjetrin, me mjetin në pronësi të 30-vjeçarit tashmë të arrestuar, e kanë marrë pa dëshirë në mjet K.P., 33 vjeç, banues në Durrës.

Arsyeja, sipas të njëjtave burime, dyshohet se ishte një borxh i pakthyer që K.P., banues në Durrës, i ka dy vëllezërve, tashmë në kërkim policor.