Një grua e moshuar është gjetur e mbytur në Durrës.

Ngjarja është njoftuar ditën e sotme nga policia lokale.

Dyshimet janë që ngjarja të jetë një vetëvrasje. Policia ende nuk e ka identifikuar viktimën, ndërsa ka gjetur në breg disa sende personale.

Njoftimi i Policisë së Durrësit:

Më datë 24.04.2019, në lagjen nr.13, Durrës, është gjetur e mbytur një shtetase e paidentifikuar, rreth 70 vjeçe, me flokë të gjata e të thinjura dhe e veshur me rroba të zeza.

Ne breg të detit janë gjetur një shkop, një çantë ngjyrë e zezë dhe një palë këpucë ngjyrë blu.

Nga këqyrja paraprake e kufomës nuk janë konstatuar shenja dhune.

Po punohet për identifikimin e kufomës dhe shkakun e mbytjes.