Një i ri është qëlluar me armë zjarri në zonën e Saukut në Tiranë. Sipas njoftimit nga policia, 27-vjeçari me inicialet E.M mbeti i plagosur pas një konflikti të momentit mes tij dhe autorit, tashmë të shpallur në kërkim, pranë parkingut të një hoteli në Sauk.
“Në afërsi të një parkingu të një hoteli në Sauk, gjatë një konflikti të çastit për motive ende të paqarta, shtetasi N.N dyshohet se ka plagosur me armë zjarri jashtë rrezikut për jetën shtetasin E.M.,27 vjeç, banues në Tiranë .
Grupi hetimor ka shkuar në vendngjarje dhe po punon për zbardhjen e rrethanave të ngjarjes. Shërbimet e Policisë po krehin zonën dhe kanë ngritur pika kontrolli për kapjen e autorit i cili është shpallur menjëherë në kërkim policor”, sqaron policia.
