Dje Presidenti Meta ishte në Kosovë, kushtuar krejtësisht vizitës në Kishën Katolike të Kosovës. Mediat e huaja i kanë kushtuar vëmendje të madhe kësaj vizite dhe mesazheve që vijnë prej vizitës së tij.

Pas vizitës, vetë Presidenti Meta shkroi në facebook:

I lumtur të vizitoja sot Kishën Konkatedrale “Shën Nënë Tereza” në Prishtinë, për të ndarë urimet më të përzemërta për vendimin madhor të Papa Françeskut për të ngritur në nivel Ipeshkvie, Administraturën Apostolike të Kosovës.

Përgëzimet më të ngrohta Ipeshkvit të Ipeshkvisë të Kosovës (Prizren-Prishtinë), Imzot Dodë Gjergji dhe mbarë popullit të Kosovës.

Falënderime Papa Françeskut dhe Selisë së Shenjtë për përkujdesjen dhe vëmendjen e vazhdueshme e të veçantë ndaj kombit shqiptar.