I arrestuari si personi që ka dijeni mbi itenerarin që kanë ndjekur vrasësit e ish policit Santjago Malko pretendon se është kërcënuar për jetën. 

Denoncimi vjen nga avokati i Blendi Teta, që tha per Top Channel se menjëherë pas masës së sigurisë, të vendosur nga Gjykata, 39 vjeçari është transferuar për kushte sigurie më të forta, jo në paraburgimin e Tiranës por në një qytet tjetër. Por edhe aty atij i është dërguar një mesazh paralajmërues.

Avokati thotë se klienti i tij ishte i trembur edhe para prangosjes dhe për këtë shkak është vetëdorëzuar.

Vrasja e ish policit, Santjago Malko, ka vënë policinë dhe Prokurorinë përpara shumë pistash hetimore, jo vetëm për ngjarje të ndodhura në Tiranë por edhe në Durrës./tch