Policia helene sqaron se bëhet fjalë për një rrjet trafiku të kanabisit dhe heroinës nga Shqipëria në Turqi. Po ashtu, policia greke deklaron se Vlora është pikënisja e gomoneve, ndërkohë që dy trafikantë janë ende në kërkim.

“Në datën 25 shtator jemi njoftuar për dy gomone që po tentonin të transportonin drogë në brigjet e Turqisë. U organizua operacion nga policia dhe Roja Bregdetare dhe ky operacion rezultoi në kapjen e një gomoneje dhe arrestimin e 3 personave që ndodheshin në të. Në datën 29 shtator u zbulua një gomone tjetër me një shtetas në zonën detare të Agistrio. U arrestua skafisti. Për të njëjtën çështje janë në kërkim edhe dy shtetas të tjerë”, thekson policia.

“Ata zgjidhnin të lundronin në ditë me vranësira, erëra të forta dhe det mbi 5-6 ballë. Në datën 30 shtator, në ishullin Piperi u gjetën dhe sekuestruan 106 pako me 1 ton 172 kg marijuanë”, Drejtori i policisë së Athinës.

Policia shqiptare ka pohuar të premten, kur u bllokua skafi i parë dhe nisi operacioni nga roja greke dhe Frontex, se nuk kishte të dhëna që skafet e dyshuara për narkotikë të ishin nisur nga Shqipëria./ Opinion.al