I arrestuari i vetëm për atentatin ndaj prokurorit Arjan Ndoja, Redjan Rraja ka apeluar masën e sigurisë “Arrest me burg”. Avokati i Redjan Rrajës ka kërkuar lirimin nga burgu.

I afërmi i deputetit socialist Rrahman Raja, është i arrestuari i vetëm deri tani për atentatin ndaj prokurorit Arjan Ndoja dhe Rrumit, që u krye të premten e kaluar në Shkozet të Durrësit.

34-vjeçari u arrestua teksa ishte duke u larguar nga Shqipëria, përmes pikës së kalimit kufitar të Muriqanit.

Deri në momentet që flasim, Rraja nuk ka pranuar që të ketë lidhje me ngjarjen, pavarësisht se policia pretendon se ka prova shkencore që vërtetojnë implikimin e tij.

Mbetet e paqartë lidhja e Rrajës me personat që gjendeshin në makinën e Ndojës. Nuk dihet as nëse ai ka pasur konflikte të mëparshme me ndonjërin prej tyre.

Me lajmin e vdekjes së Andi Malokut, pritet të ndryshojë edhe akuza për të arrestuarin e vetëm si autorë të dyshuar të atentatit.