Arta Vorpsi, të cilës Kuvendi i dha mandatin e anëtares së Gjykatës Kushtetuese duke i marrë kompetencat e Presidentit të Republikës, ka kryer paraditen e së Enjtes një veprim ekstra-procedurial, nëpërmjet të cilit konfirmon se nuk njeh ose nuk vlerëson të zbatojë Kushtetutën e Republikës së Shqipërisë. Me një veprim të paparashikuar në asnjë normë kushtetuese dhe ligjore, Vorpsi ka njoftuar institucionet më të larta shtetërore se ka konfirmuar mandatin, që u njoftua publikisht nga Kuvendi, në një zyrë noteriale. Në këtë mënyrë, Arta Vorpsi shkel Kushtetutën që në shfaqjen e parë të saj. Neni 129 i Kushtetutës parashikon se “Gjyqtarët e Gjykatës Kushtetuese marrin detyrën pasi bëjnë betimin tek Presidenti i Republikës”.

Ky veprim u komentua edhe nga gazetari Ylli Dylgjeri i cili e quan një mesazh të zi në dështimin e shtetit.

Postimi i Dylgjerit:

Mesazhi i zi i Vorbsit

Betimi u gjyqtares Arta Vorbsi te Noterja
ishte edhe një herë një mesazh i zi i dështimit të shtetit, i dështimit të drejtësisë. Vorbsi me betimin e saj te Noteri i tha publikut se nuk i njeh institucionet; nuk e njej ligjin; nuk njeh Kushtetutën; nuk njeh bariun e saj Presidentin
e Republikës; nuk njeh votën popullore.
Me këtë akt ajo i tha botës se në Shqipëri nuk ka institucione.
Arta Vorbsi sot u rrëzua sërisht.