Hermes Nikaj, i njohur ndryshe si ‘Zogu i Tiranës’ është ndaluar nga policia pasi akuzohet për shfrytëzim prostitucioni.

Dyshohet se Nikaj përdorte një qendër estetike në Tiranë si bazë për kryer aktivitetin e jashtëligjshëm bashkë me dy vajza të tjera.

Nikaj u siguronte vajza edhe personazheve VIP në Shqipëri dhe Kosovë, gjatë udhëtimeve nëpër koncerte.

Qendrat të ndryshme estetike janë kthyer në ambiente që zhvillohet aktiviteti i jashtëligjshëm i prostitucionit në Tiranë.

Një e tillë u godit mbrëmjen e së shtunës gjatë një aksioni nga policia e kryeqytetit ku arrestuan 4 persona dhe dy të tjerë po hetohen në gjendje të lirë.

Rolin e tutorit sipas burimeve nga grupi hetimor për shfrytëzimin e vajzave e kishte Hermes Nikaj i njohur ndryshe si ‘Zogu i Tiranës’.

Aktiviteti kryhej në një qendër estetike te Rruga e Durrësit dhe në një Hotel pranë pranë autostradës Tiranë-Durrës.

Nikaj bashkë me persona të tjerë nën hetim përkundrejt pagesës ju siguronin klientëve të ndryshëm vajza të moshës 20 deri 32-vjeçe. Madje në polici janë bërë edhe kallëzime nga banorë të pallatit për aktivitetin e dyshimtë që Zogu ushtronte aty prej gati një viti.

Dyshohet se në atë qendër janë shfrytëzuar për prostitucion edhe vajza të mitura. Për këtë arsye policia ka sekuestruar kamerat e sigurisë të biznesit për të vërtetuar aktivitetin e dyshuar të jashtëligjshëm që drejtohej nga ‘Zogu i Tiranës’.

Ai akuzohet për ‘shfrytëzim prostitucioni’ dhe ‘mbajtjen e lokaleve për prostitucion’.

Hermes Nikaj bashkë më të prangosurën tjetër me iniciale A. B., dyshohen nga prokuroria se siguronin edhe vajza për eskortë personazheve VIP të Shqipërisë dhe Kosovës gjatë udhëtimeve të tyre nëpër koncerte.

Këto pagesa ishin në shuma të konsiderueshme parash, duke kaluar vlerën e 700 euro në natë. Gjatë 5 muajve të fundit ‘Zogu i Tiranës’ kishte mundur ti shpëtonte syrit të policisë, pasi ai bashkë me disa persona të tjera ofronin shërbim esktra edhe në lokalet e natës në Tiranë dhe pagesa ishte 20 mijë lekë.

Nga përgjimet ambientale ka rezultuar se oraret dhe prenotimet bëheshin nëpërmjet rrjeteve sociale, ose numrit të telefonit të Zogut. Policia sekuestroi gjatë operacionit ‘Your Turn’ dy automjete foristradë dhe një sasi e konsiderueshme parash./Abcnews