Policia e Kukësit në bashkëpunim me forcat RENEA kanë vënë në pranga në Morinë shtetasin Burim Duraku. Ky person ishte shpallur në kërkim nga autoritetet, pasi gjykata e kishte dënuar për veprat penale “vrasje dhe grabitje”.

Burime bëjnë me dije se aksioni i uniformave blu në Kukës nisi që prej mbrëmjes së djeshme, ku janë kryer kontrolle për të zbuluar persona të shpallur në kërkim për vepra të ndryshme penale.

Ende nuk ka një njoftim zyrtar nga ana e policisë në lidhje me këtë operacion.