Një tjetër skenë dhune është regjistruar mbrëmjen e djeshme në Tiranë, në mes të rrugës.
Disa të rinj janë përleshur me njëri tjetrin në rrugën 5 Maji, në kryeqytet. Sipas një qytetari, i cili ka dërguar videon në redaksinë e JOQ ALBANIA, të rinjtë kanë ndaluar makinat në mes të rrugës, kanë dalë dhe kanë filluar të konfrontohen fizikisht me njëri tjetrin. Nga pamjet shihet qartë se përleshja është masive. Nuk dihen shkaqet e sherrit, por fatmirsisht mes tyre ka patur persona që i kanë ndarë.
Nuk është hera e parë që në Tiranë ndodhin të tilla skena. Më shqetësuesja është se të tilla konflikte ndodhin edhe nga nxënës shkolle, në mes të gjimnazeve, por jo vetëm.
