Një aksident me pasojë vdekjen ka ndodhur sot në aksin rrugor Bilisht-Miras, ku për pasojë ka ndërruar jetë një 72-vjeçar.
Ngjarja ndodhi në afërsi të fshatit Ponçarë.
Burime zyrtare nga policia bënë me dije se një 43-vjeçar, duke drejtuar një mjet tip motor ka përplasur shtetasin T. Spaho, në fshatin Ponçarë, i cili për pasojë ka gjetur vdekjen e menjëhershme.
Drejtuesi i mjetit, shtetasi Saimir Hoxha, është shoqëruar në Komisariatin e Bilishtit për veprime të mëtejshme.
Grupi hetimor po punon për të sqaruar rrethanat e ngjarjes dhe përcaktuar shkaqet e aksidentit.
