Me dy rastet e para të konfirmuara në Qipro, koronavirusi tani ka infektuar në të gjithë Evropën: më shumë se 15,000 njerëz janë të infektuar, ndërsa të vdekurit kanë tejkaluar shifren 500, nga të cilët shumica në Itali.

Keshtu shkruan Ansa, teksa ben nje panorame te situates ne Evrope lidhur me perhapjen e frikshme te koronavirusit.

Me mbi 110,000 raste dhe mbi 4,000 viktima në të gjithë botën, Organizata Botërore e Shëndetit tha se ende nuk kemi nje pandemi, por “kërcënimi” eshte shume real.

Dhe ndërsa numri i infeksioneve të reja dhe viktimave vazhdon të bjerë në Kinë, dhe në Korenë e Jugut virusi duket të ngadalësohet (7478 raste, 53 vdekje), në BE nuk ka arritur as kulmin.

Italia mbetet vendi më i prekur, por infeksioni përhapet kudo: në një ditë të vetme rastet në Spanjë pothuajse janë dyfishuar duke arritur në më shumë se 1000 (28 të vdekur), po ashtu Gjermania shenoi dy vdekjet e para. Në Francë rastet tejkaluan 1400 dhe të vdekurit janë 25, një prej tyre në Korsikë. Në Greqi, 84 janë infektuar dhe çështja e parë e regjistruar në ishullin Lesvos është shqetësuese, per shkak te mbipopullimit nga kriza e migrantëve.

Por infeksionet gjithashtu rriten në portat e BE-së: Britaninë e Madhe (319 raste dhe 5 te vdekur), por Londra pret një përkeqësim në 10-14 ditët e ardhshme dhe po përgatitet të imponojë vetë-izolim për këdo që ka madje edhe simptoma të buta të gripit.

Dy rastet e para janë regjistruar edhe në Shqipëri: Djali i kthyer nga nje udhetim ne Fierenca dhe babai i tij. Kryeministri Edi Rama ka menjëherë ndërmori masa serioze si pezullimi i fluturimeve me Italinë dhe mbyllja e shkollave për dy javë.

Sipas të dhënave nga Universiteti Johns Hopkins, Irani mbetet vendi i katërt më i prekur: ka 7 161 raste ndërsa numri i vdekjeve është rritur në 237.

Vetëm Turqia fqinje ende pretendon të mos ketë regjistruar ndonjë rast falë faktit se ata morën masa “me kohë”, ndërsa Izraeli (i cili numëron 39 raste) ka vendosur të fuse ne karantinë këdo që arrin nga jashtë, pa diskriminim midis zonave pak a shumë në rrezik.

Ne SHBA

Numri i rasteve të infektimit në Shtetet e Bashkuara, atëherë arriti në 500, dhe 21 viktima. Por ndërsa Presidenti Donald Trump vazhdon të minimizojë rreziqet që lidhen me virusin duke bërë nje postim ne twitter: “37,000 amerikanë vdiqën nga gripi i zakonshëm vitin e kaluar”.