Nga Kim Mehmeti -

"Kosova ia dha Perëndimit më të vlefshmen që kishte – rininë e saj. Dhe kështu ajo mbeti pa zërin më të guximshëm që do mund t’i kundërshtonte disa ‘çlirimtarë’ që asaj ia sollën robërinë! Pra Kosova u zbrazë, mbeti e fundosur në heshtjen e alamet intelektualëve që rëndom flasin pasi përfundojnë betejat politike, atëherë kur duhet të mbajnë anën e fituesit.

Pra Kosova u bë ‘varrezë masive’ e ëndrrave rinore dhe pronë e ‘Klanit Pronto’ dhe pleqve të LDK-së, që s’kanë si dalin nga ‘Strofulli i Gjarprit”, e të cilët, jo vetëm harxhimet për të sotmen e tyre, por siç duket, Kosovës ia kanë faturuar edhe shtëpitë dhe dasmat për nipat e stërnipat e vet.

Dhe këtë bota e dinte, por shtirej se nuk sheh e nuk dëgjon gjë, me çka e flijoi shtetin ku do vlente ligji për të gjithë dhe e mbështeti stabilitetin që e ofronin qeverive hajdutokrate! Andaj Perëndimi edhe një herë duhet ta ndihmojë çlirimin e Kosovës: kësaj radhe që të çlirohet nga zhvatësit e saj!

Që asaj t’i jepet mundësia ta rimerr veten e t’i rikthehet ëndrrës për Kosovën siç e deshëm: të mirë për të gjithë, e jo ferr për banorët, e parajsë për politikanët!"