Urdhri i Infermierit të Shqipërisë ka reaguar në lidhje me rastin e Qazim Ismailit, infermierit që iu bashkua grupit të 30 mjekëve në Itali, por që kishte punuar pompist. Pas bërjes publik të lajmit nga Dosja.al, UISH shprehet për FaxNews se Ismaili nuk e ka ushtruar kurrë profesionin e tij.
“Qazim Ismaili është një nga 6000. Nuk ka patur mundësi që ta ushtrojë profesionin e tij. Qazim Ismaili u diplomua dhe licensua në vitin 2017. Ismaili aplikoi në portal për infermier vullnetar drejt Italisë. Ai është nisur me grupin prej 30 mjekëve e infermierëve që shkuan drejt Italisë, për të ndihmuar në luftën ndaj Covid-19,”- shprehet UISh ndër të tjera.
Ditën e sotme, Dosja.al ka publikuar ekskluzivisht rastin e Qazim Ismailit, që u dërgua në Itali për të luftuar COVID-19. Deri para dy ditësh, sipas karburant Kastratit ai ka punuar si pompist, ndërsa tashmë është në Breshia. Ndërkohë MSH nuk ka përgënjeshtruar zyrtarisht lajmin, por ka futur ilegalisht nëpër portale pranë qeverisë disa dokumente, ku edhe në to provohet se Ismaili ka marrë licensë në vitin 2017. Vetë Ismaili pohoi për Dosja.al lajmin se ka punuar pompist.
