Paraditen e sotme Policia e Shtetit me urdhër të SPAK, arrestuan drejtorin e burgut 313, Eduart Struga, nën akuzën për veprën penale të korrupsionit. 

Sipas ABC News Struga ka qenë nën hetim për disa muaj, ndërsa arrestimi është bërë nga krimi ekonomik.
Dyshohet se arrestimi i tij është bërë për shkak të një tenderi.
Ndërkaq, janë arrestuar edhe 2 persona të tjerë.

ABC News ka mësuar se një prej të arrestuarve është vartës i Drejtorit të Burgut “313”, Eduart Struga, ndërsa personi tjetër është punonjës në një sektor privat.

Gjatë operacionit për arrestimin e tyre, janë ushtruar kontrolle të shumta, ku janë gjetur dhe sekuestruar në cilësinë e provës materiale, një shumë e konsiderueshme lekësh. Sipas burimeve dyshohet se janë para të marra në mënyrë korruptive.
Struga është emëruar në krye të këtij institucioni në vitin 2019.

Struga është i dyshuar për korrupsion me tendera ushqimesh.

Në këtë skemë dyshohet se janë përfshirë edhe vartës së tij dhe ata janë shoqëruar në polici. Duhet thënë se Eduart Struga është një emër i njohur për institucionet e burgjeve.

Dyshohet se Struga ka qenë kreu i kësaj skeme. Hetimet kanë treguar këtë fakt dhe pas 2 ditësh pritet që shefi i 313 të dalë në gjykatë.