Nga e hëna qytetarët do të kenë në dispozicion 2 orë liri-dalje, duke aplikuar përmes portalit e-albania.

Kjo u bë e ditur nga Ministrja e Shëndetësisë, Ogerta Manastirliu, sipas të cilvs Komitetit Teknik i Eksperteve ka hartuar strategjine e ri-hapjes graduale dhe të kujdesshme për popullatën dhe shërbimet esenciale.

“Kjo strategji parashikon 4 faza për lehtësimin gradual të masave, qe lidhen në mënyrë të ngushte me evoluimin e infeksionit Covid-19 dhe shkallën e përhapjes së tij.

Do të tregohemi në çdo fazë shume të kujdesshëm, duke vlerësuar kurbën epidemiologjike, shpërndarjen e vatrave të infeksionit, transmetueshmerinë e infeksionit si dhe përballimin nga strukturat spitalore të rasteve me simptoma të Covid-19”, tha ajo.

Gjithashtu, Manastirliu njoftoi edhe hapjen e një tjetër grupi biznesesh, që do të mund të operojnë duke filluar nga dita e nesërme (27 prill).