Qyteti i Krujës renditet i pari sa i përket personave aktiv me koronavirus, edhe pse nuk është në listën e qyteteve të mëdha.

Në të dhënat e përditësuara nga Ministria e Shëndetësisë bëhet me dije se aktualisht Kruja ka 91 raste, ndërsa në total në të gjithë vendin janë 233 persona aktivë me COVID-19.

Pjesë nga deklarata:

Sa i përket personave që aktualisht janë aktivë me COVID19, Kruja është në vend të parë me 91 raste, e ndjekur nga Tirana, Kurbini, Shkodra dhe në total janë 233 persona aktivë me COVID19.

Pjesa më e madhe e rasteve aktive po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” janë të shtruar 33 pacientë dhe vetëm 7 prej tyre janë në terapi intensive.

Shpërndarja gjeografike e rasteve aktive, është si vijon:

Krujë                   91

Tiranë                  90

Kurbin                 20

Shkodër              17

Kukës                  5

Elbasan               2

Mirditë                2

Berat                    2

Korçë                   1

Lezhë                   1

Lushnje               1

Mat                      1