Ministria e Shëndetësisë ka njoftuar se në 24 orët e fundit janë shënuar 31 raste të reja me koronavirus në vendin tonë, pas 300 testimesh.

Ndërkohë, është shënuar edhe viktima e 36 e Covid-19 në vendin tonë.

Ministria e Shëndetësisë raporton se ka ndërruar jetë një 71-vjeçar nga Durrësi, i cili ishte shtruar në spital prej më shumë se dy javësh.

“Por pavarësisht përpjekjeve të mjekëve, një pacient nuk e ka fituar dot betejën me Covid19. Në 24 orët e fundit ka ndërruar jetë në spitalin infektiv një pacient 71 vjeçar nga Durrësi, i shtruar prej më shumë se dy javësh”, njofton MSH.