Të tjera detaje dalin në dritë nga arrestimi i Bujar Sejdinit, i njohur me nofkën ‘Xhaxhai’.

Mësohet se ai është njohur me masën e sigurisë mëngjesin e 22 korrikut, dy ditë para se policia të njoftonte arrestimin e tij, në kuadër të një super-operacioni ndërkombëtar droge, i cili shtrihej në Shqipëri, Itali, Argjentinë dhe Costa Rica.

Sipas autoriteteve italiane, Sejdini konsiderohet si njeriu më i besuar i “Ndragheta-s”, jo vetëm për Shqipërinë, por edhe për vendet e tjera.

Në një raportim për ‘News 24’ gazetarja Klodiana Lala deklaroi se arrestimi dhe masa e sigurisë është mbajtur top sekret, pasi kështu ka qenë kërkesa e autoriteteve të huaja, pasi operacioni vijonte në Argjentine dhe Costa Rica.

Sejdini ka mohuar përfshirjen e tij në trafik droge. Ai mësohet të jetë shperhur se ka punuar si marangoz në Laç dhe se nuk kishte lidhur me trafikun e drogës, ndërsa kërkoi lirinë me pretendimin se ishte invalid.

'Unë kam punuar si maragonz në ndërmarrjen në Laç dhe jam invalid. Gjatë jetës time kam udhëtuar 2-3 herë drejt Italisë vite më parë, ku një miku im operoi bashkëshorten e tij.

Aty kam disa njerëz të njohur që kisha nga Laçi, por kurrsesi nuk jam përfshirë në trafik droge',- ky ka qenë pretendimi i Sejdinit në gjykatë, teksa ishte në pritje të caktimit të masës së sigurisë.

Thuhet se Bujar Sejdini ka marrë pjesë në blerjen e rreth 20 kg kokainë në Spanjë.