Gjykata e Kukësit nëpërmjet një njoftimi për mediat ka bërë me dije se seanca për të arrestuarit e protestës kundër taksës në Rrugën e Kombit do të zhvillohet  ditën e nesërme në orën 09:00.

Sipas gjykatës janë të gjitha kapacitet që seanca të zhvillohet e përbashkët edhe për shkak se të gjithë të arrestuarit kanë të njëjtën akuzë.  Akuzohen për “Dhunë ndaj policisë”

Pjesa më e madhe e protestuesve, 13 prej tyre ndodhen në Drejtorinë e Policisë në Tiranë, ndërsa pjesa tjetër, 11 protestues në komisariatin e Policisë së Kukësit. Të gjithë po presin masën e sigurisë. Do të jetë gjyqtarja Alma Ahmeti ajo që do të vlerësojë masat e sigurisë për këta 24 persona.

Sakaq, në Drejtorinë e Policisë së Tiranës ka nisur sërish tubimi për lirimin e të arrestuarve.