Në Qendrën Spitalore Universitare Nënë Tereza, ka gjithmonë mungesa sa i takon kryerjes së analizave.

Shëndetësia e Rilindjes i ka çuar spitalet drejt një mjerimi total. Prezenca e pajisjeve mjekësore dhe medikamenteve është fondamentale për një qendër spitalore. Por në Shqipëri mungon gjithçka.

Përpara një muaji, laboratori në QSUT krijoi vonesa në përgjigjet e biopsive, shkak ishte mungesa e reagentëve, ndërsa aktualisht mungojnë 9 reagentë për kryerjen e disa analizave, mes të cilave ajo e tiroides.

Problematika pranohet edhe nga vetë shefja e laboratorit në qendrën më të madhe spitalore.

Burime zyrtare në Drejtorinë e QSUT thonë se kjo situatë do të marrë zgjidhje brenda javës, dhe pacientët do të mund të kryejnë të gjitha analizat që ju rekomandojnë mjekët.