Qytetarët e Korçës, anëtarë të komunitetit rom si dhe familjarë të të riut kanë mbajtur një protestë ditën e sotme për të kërkuar drejtësi për vdekjen e Enea Ftoit.

Ata janë shprehur se nëse nuk do të ketë drejtësi atëherë do ta bëjnë ata drejtësinë për Enean pasi ndaj përgjegjësve nuk është marrë asnjë masë.

Vëllai i viktimës në një prononcim pë mediat është shprehur se Enea kishte shenja dhune në trup dhe në fytyrë si dhe shenja të tre gjilpërave që iu bënë në qafë. Ai kishte vjedhur dhe të dënohej për këtë veprim, nuk kishin arsye për ta vrarë, ka shtuar më tej.

Gjithashtu protestuesit kanë pohuar se policia ka tentuar ti ndalojë ndërkohë që afroheshin për në vendin ku do të protestonin.

Dy ditë më parë ish-kryeministri Sali Berisha dënuar edhe një herë vrasjen e 27 vjeçarit Enea Ftoi i cili ndërroi jetë në mënyrë misterioze brenda komisariatit të Korçës si dhe ftoi qytetarët  dhe anëtarët e komunitetit rom të protestojnë.