Në kuadër të operacionit ‘Dekani’ policia e Elbasanit ka arrestuar një tjetër sekser ditën e sotme. Arrestimi i tij vjen pak kohë pas vënies në pranga të dekanit të fakultetit të Shkencave Humane në Universitetin “Aleksandër Xhuvani” në Elbasan, Shefes së Departamentit të Gazetarisë, 3 sekserëve dhe një studenti.

Gëzim Qytyku është shtetasi i fundit i arrestuar pasi dyshohet se ka qenë sekser dhe ndaj tij është bërë ekzekutimi i urdhër arrestit të lëshuar nga Gjykata e Elbasanit.

Personat e arrestuar akuzohen për “Ushtrimi i Ndikimit të Paligjshëm ndaj Personave që Ushtrojnë Funksione Publike” dhe “Korrupsioni Pasiv i Personave që Ushtrojnë Funksione Publike”.

Të arrestuar më parë nga policia janë:

1- Albert Riska,55 vjeç, banues në Elbasan, me detyrë Dekan i Fakultetit të Shkencave Humane në Universitetin “Aleksandër Xhuvani” , Elbasan.

2- Elvira Lumi, 54 vjeçe, banues në Elbasan, me detyrë Shefe e Departamentit të Gazetarisë në Fakultetin e Shkencave Humane në Universitetin “Aleksandër Xhuvani”,Elbasan.

3- Erjola Calja, 29 vjeçe, banues në Gostime Cërrik, pedagoge e jashtme në Fakultetin Ekonomik në Universitetin “Aleksandër Xhuvani” , Elbasan.

4- Petrit Kodra, 53 vjeç, banues në Elbasan, në rolin e sekserit.

5- Admirim Kala, 31 vjeç, banues në Tiranë, në rolin e sekserit.

6- Adem Ngjela, 51 vjeç, banues në Cërrik, në rolin e sekserit.

7- Marius Calja, 21 vjeç, banues në Gostime Cërrik, student. /55news.al/