Drejt HEC-in 'Lapaj', mëngjesin e ditës së sotme është qëlluar me armë zjarri në drejtim të transformatorit.

Policia e Kukësit bën me dije se ka qenë përgjegjësi i rojeve, i cili ka njoftuar për ngjarjen.

Siç bën me dije në njoftimin paraprak policia e Kukësit, drejt HEC-it është qëlluar me armë zjarri në drejtim të transformatorit të nënstacionit elektrik, duke e nxjerrë jashtë funksionit.

Në vendin e ngjarjes janë gjetur dhe sekuestruar në cilësinë e provës materiale 12 gëzhoja, ndërsa mësohet se grupi hetimor po punon për zbardhjen e ngjarjes dhe identifikimin e autorëve. /News.al/