Një aksident i rëndë ka ndodhur në aksin rrugor Levan-Tepelenë ku për pasojë kanë humbur jetën tre persona. Sipas raportimeve të para mësohet se automjeti ka rënë në kanal në fshatin Varibop të Fierit. Shkak dyshohet se ka qenë shpejtësia e madhe më të cilën po levizte automjeti. Viktimat janë një çift të moshuarish dhe një vajzë, ende të paidentifikuar. Grupi hetimor po punon për zbulimin e plotë të ngjarjes.

Njoftimi i policisë

Në datën 09.04.2018, rreth orës 08:10, në aksin rrugor Levan-Tepelenë, në fshatin Varibop, në kanalin me ujë në anë të rrugës është gjetur i rrëzuar një mjet tip “Suzuki” me targa IHZ 1755.

Për pasojë janë mbytur dy persona, drejtuesi i mjetit dhe një shtetase tjetër, pasagjerja.

Paraprakisht dyshohet se mjeti ka dalë jashtë rruge gjatë natës.