“Makaronat e shejtanit” vepër e autorit Lazër Lumezi vjen premierë për publikun në skenën e Teatrit Metropol me regji nga Rexhina Mollaymeri.  Rolet në vepër luhen nga aktorët Margent Çaushi, Erion Hodo, Aleksandër Mitrollari, Xhuliano Brisku, Artan Skënderasi.

Komedia  “Makaronat e Shejtanit” bën fjalë për një shtëpizë në fshat, ku i zoti Nikollë Pepa është dorështrënguar me shërbyesit. Atëherë ata bashkë me fqinjin e tyre, kur zotëria nuk ndodhet aty, përgatisin një vakt të mirë, e të bollshëm fshehurazi tij. Nikollë Pepa zbulon të vërtetën falë Zabitit, një mik i rastësishëm,dhe kështu ndëshkohen fajtorët.

Vepra vjen premierë më 4 tetor por gjithashtu “Makaronat e shejtanit” do të jetë në skenë dhe më datë 11 tetor gjithashtu dhe si pjesë e festivalit teatror “Metrofest”.