Krahas atmosferës së festave të Nëntorit, në kryeqytet ndjehet edhe atmosfera e derbit mes Partizanit dhe Tiranës, që do të zhvillohet në stadiumin “Selman Stërmasi”.

Kështu klubi i kuq, në cilësinë e organizatorit të takimit, ka publikuar sot edhe çmimet e biletave për tribunën qendrore dhe ato të tjera, si për tifozërinë e kuqe, ashtu edhe për atë bardheblu.

Drejtuesit e Partizanit kanë vendosur që një biletë në tribunat qendrore, konkretisht A1, A2, B1 dhe B2 të shitet në vlerën e 2000 lekëve të reja, ndërsa tribunat e tjera të shiten në vlerën e 500 lekëve të reja.

Gjithashtu janë ndarë edhe tribunat që do të jenë në dispozicion të tifozërisë mike, dhe do të jenë pikërisht tribunat A1, A2, H1 dhe H2, ndërsa të tjerat do të jenë për tifozërinë e kuqe.