Statistikat, 7% e grave të dhunuara në Itali janë shqiptare

Hënë, 25 November 2019 22:07

7% e grave të dhunuara në Itali janë me shtetësi shqiptare. Nga numri ato renditen të tretat në komunitetin e grave të huaja pas atyre me shtetësi rumune me 24% të rasteve e marokeneve me 12 %.(minuta e 2.09 e videos)

Në Ditën Ndërkombëtare kundër dhunës ndaj grave, autoritetet italiane kanë shpërndarë të dhëna shokuese mbi numrin e grave të dhunuara apo të mbetura viktimë nga bashkëshorti apo partneri i tyre,

Çdo ditë në Itali, në çdo 15 minuta 88 gra janë viktimë e akteve të ndryshme të dhunës. Gjatë 10 muajve të parë të 2019, 94 gra kanë mbetur viktimë nga një afërm i tyre, bashkëshorti, partneri apo një familjar. Në 2019 22 % e viktimave janë gra emigrante. Në 74% të rasteve autori i krimit është italian e në rreth 26% është me origjinë të huaj. Një në çdo dy gra viktima, lë jetim fëmijë të mitur e në 18% të rasteve autori i krimit vetëvritet. Në 36% të rasteve arma e krimit është armë e ftohtë, në 18% është armë zjarri, në 27% një mjet i fortë, e në 18% të rasteve shkaku i vdekjes është marrja e frymës. Në 81% autori i krimit është një familjar e 63% është një ish partner,

"Një emergjencë publike" i ka komentuar këto statistika Presidenti i Republikës, Sergio Mattarella duke shtuar se "koshienca që rëndon ndaj këtij fenomeni rritet çdo ditë e institucionet publike duhet të bëjnë më shumë".

Gratë e dhunuara apo viktima të dhunës kanë histori tragjike sa të ndryshme po aq të ngjashme me njëra-tjetrën. Xhelozia, vendimi për të mbyllur raportin apo për t'u ndarë nga bashkëshorti bëhet motivi fatal i vdekjes së tyre.

Nga janari i 2019 RTV Ora ka përcjellë ngjarje e histori të disa grave shqiptare, emigrante në Itali e viktima të këtij fenomeni.

Histori më tronditëse është ajo e 14 gushtit të 2019 kur në një operacion të Policisë së Kozencës u arrestuan 5 persona, të gjithë shtetas italianë, me akuzën e dhunës seksuale në grup. për 10 vite rresht ndaj një gruaje shqiptare, e martuar e nënë e një djali 5 vjeçar, e cila banonte në komunën Corigliano Rosano në provincën e Kozencës. Arrestimi i tyre u bë pas denoncimit të saj .

Për 10 vite rresht ajo i është nënshtruar një dhune seksual eme metoda nga më të ndryshme sadomaz , nga i dashuri i saj e 4 miqtë e tij , nën kërcënimin se do t'i rrëfenin bashkëshortit tradhtinë e saj, do t'i vrisni dhe djalin, e do të shpërndanin në internet video të raporteve seksuale me të.

Më 27 maj një qytezën Paullo në provincën e Milanos një ngjarje e rëndë tronditi komunitetin shqiptar në Itali. Një 68 vjeçar shqiptar goditi duke e plagosur rëndë më çekiç në kokë bashkëshorten e tij 65 vjeçare. Më 26 mars në komunë Suzzara të Mantovës një 48 vjeçar shqiptar plagosi rëndë duke e goditur disa herë me thikë, bashkëshorten e tij 37 vjeçare. Motivi ishte kërkesa e divorcit e asistenca ekonomike që ai duhej të paguante për 3 fëmijët e tij.

Dhuna shkakton dhe kundër reagime ekstreme. Siç është rasti i 24 vjeçare shqiptare, Aurela Perhati, banuese në komunën Ovada në provincën e Alessandrias. Ajo u arrestua nga autoritetet italiane e akuzuar se ka aksidentuar për vdekje 53 vjeçarin italian, Massimo Garitta. Ngjarja ka ndodhur në natë e 31 dhjetorit duke u gdhirë data 1 janar 2019, e sipas rrëfimit të shqiptares viktima është përpjekur ta dhunoj seksualisht duke e detyruar të zbres nga automjeti në një zonë të izoluar. Ajo ka mundur të largohet e gjatë manovrës me makinë e ka aksidentuar,

Dhuna fizike e psikologjike ndaj grave në shumicën e rasteve ushtrohet brenda mureve të shtëpisë. Gra të shndërruar në skllave, të pafuqishme për të reaguar e pamundësinë për të kërkuar ndihmë.

Më 27 janar 2019 autoritetet italiane arrestojnë babë e bir 54 e 20 vjeç me akuzën e sekuestrim personi, dhunë e keqtrajtim në familje ndaj një shtetase maqedonase 19 vjeçare e fejuar prej pak kohësh me djalin kosovar. Kjo histori dashurie ishte shndërruar në një inkub fizik e psikologjik, ku i fejuari e vjehrri e shndërruar në shërbëtore të tyre nën kërcënime fizike e psikologjike, duke i sekuestruar pasaportën e telefonin. Hetimet e ekzekutimi i operacionit të policisë italiane u ekzekutua pas denoncimit të familjarëve të vajzës nga Maqedonia.

Vetëm pak ditë më parë më 18 nëntor 2019, një 38 vjeçare shqiptare u gjet nga forcat e policisë në gjendje të rëndë në rrugë në një qytezë në provicnën e Caseertas, Ajo ishte dhunuar fizikisht e kishte pirë benzinë e detyruar nga i dashuri i saj.

Dhuna fizike , psikologjike apo dhe krimi jo pak herë ushtrohet dhe në prani të fëmijëve. Vetëm një ditë më parë më 24 nëntor 50 vjeçari shqiptar L.P është vënë nën pranga nga autoritetet italiane për dhunë në familje. Ai ka goditur me zinxhirë hekuri gruan e djalin e tij pasi i mohonin t'i jepnin para për të luajtur me slot machine. Ngjarja ka ndodhur në komunën Liverano në provincën e Lecces.

Autoritetet italiane informojnë se gjithnjë e në rritje është dhe fenomeni i stalking. Gjatë vitit 2018 janë regjistruar 14.871 denoncime, gati 4,4 % më shumë se viti 2017.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Sulmi terrorist në kampin ushtarak, 60 persona të vdekur

Globi

Sulmi terrorist në kampin ushtarak, 60 persona të vdekur

Të paktën 60 persona kanë mbetur të vrarë nga një sulm në një bazë ushtarake në Nigeri në perëndim të Tillaberi. Terroristët bombarduan kampin me predha dhe si pasojë e shpërthimeve...

Fustani ikonik i Princeshë Dianës shitet për 347.000 dollarë

Aktualitet

Fustani ikonik i Princeshë Dianës shitet për 347.000 dollarë

Fustani kadif ngjyrë blu i veshur nga Princeshë Diana kur bëri kërcimin e famshmë me aktorin John Travolta është shitur për 347.000 dollarë. Princesha e veshi fustanin, të realizuar nga Victor...

U kapën me 500.000 £, shqiptarët sulmojnë policinë britanike

Bota Shqiptare

U kapën me 500.000 £, shqiptarët sulmojnë policinë britanike

Tre shqiptarë sulmuan oficerët e Agjencisë Kombëtare kundër Krimit gjatë një aksioni, pasi u kapën duke furnizuar kokainë me vlerën e gjysmë milioni paundësh. Përveç lëndës narkotike, ata kishin edhe dokumente...

Sondazh

Nothing found!

Sondazh

Nothing found!