Presidenti i Kosovës i kërkon Vetëvendosjes emrin e mandatarit për formimin e qeverisë

Premte, 10 Janar 2020 19:56

Presidenti i Kosovës, Hashim Thaçi, i bëri thirrje kryetarit të lëvizjes Vetëvendosje, Albin Kurti, të propozojë sa më shpejt kandidatin për postin e kryeministrit.

Kërkesa e tij u bë tri ditë pasi që ai i dha një afat 48 orësh zotit Kurti, pas një takimi këshillues për caktimin e këtij emri, por pa e sqaruar se mbi ç’bazë është dhënë ai afat.

 

No media source currently available

 
0:000:03:082:09
 
 Direct link 
 

Lëvizja Vetëvendosje tha të mërkurën se ditëve në vijim do t’i dërgojë presidentit të vendit propozimin për mandatarin për kryeministër, duke sfiduar kësisoj afatin e presidentit Thaçi.

Në një letër që presidenti Thaçi i drejtoi të enjten zotit Kurti, thuhet se “pas funksionalizimit të Kuvendit të Republikës së Kosovës, qytetarët e Republikës së Kosovës me të drejtë presin funksionalizimin e qeverisë së Republikës së Kosovës dhe presin nga unë të dekretoj kandidatin/en për kryeministër. Si president i Republikës së Kosovës jam i obliguar që të marr veprime pa vonesa të mëtejshme, duke ndjekur të gjithë hapat kushtetues që qytetarët e Republikës së Kosovës të kenë sa më shpejt qeverinë e tyre”.

Presidenti Hashim Thaçi shkruan në letrën e tij se duke marr parasysh parimet demokratike, transparencën dhe korrektësinë politike, i ka dhënë mundësinë dhe i ka kërkuar zotit Kurti në vazhdimësi që të propozoj kandidatin për kryeministër.

“Duhet pasur parasysh edhe Pikën 87 të Aktgjykimit të Gjykatës Kushtetuese në rastin nr. K0103/14, e cila vëren ‘se nuk përjashtohet që partia ose koalicioni në fjalë do të refuzojë të marrë mandatin’, në cilin do rast, të pranimit ose refuzimit të propozimit të kandidatit/es për kryeministër, luteni që të më njoftoni sa më shpejt sipas premtimit tuaj nga takimi ynë, në mënyrë që unë t’i ndërmarr të gjitha hapat e përcaktuar në kushtetutë dhe të dekretoj kandidatin/en për kryeministër për të formuar qeverinë e Republikës së Kosovës”, thuhet në letrën e presidentit Hashim Thaçi.

Lëvizja Vetëvendosje nuk komentoi ende letrën, ndërsa është përfshirë për tri ditë me radhë në negociatat me Lidhjen Demokratike të Kosovës në negociata për arritur një marrëveshje për koalicionin qeverisës.

Lidhja Demokratike e Kosovës tha mbrëmë pas takimit se “në mirëbesim dhe me vullnet për të arritur marrëveshje, i ka paraqitur ofertën Lëvizjes Vetëvendosje për bashkëqeverisje”. Por, ajo nuk dha asnjë hollësi rreth ofertës dhe as lëvizja Vetëvendosje nuk ka bërë ndonjë koment se cila rreth ofertës.

Në lëvizjen Vetëvendosje thanë se “bisedimet janë bërë më të dendura dhe tashmë ka edhe mundësi të reja në tryezë, por ende nuk ka marrëveshje”, duke lënë të hapur mundësinë e takimeve të reja.

Bisedimet ndërmjet Vetëvendosjes dhe Lidhjes Demokratike rifilluan pas një pushimi të gjatë, që pasoi mbledhjen e parë të parlamentit që u mbajt me 26 dhjetor. Në krye të parlamentit u zgjodh Glauk Konjufca nga lëvizja Vetëvendosje, ndonëse përgjatë gjithë negociatave që nga zgjedhjet e 6 tetorit është thënë se ky post i takon Lidhjes Demokratike. Kjo thelloi hendekun ndërmjet dy partive që nuk po pajtoheshin rreth kërkesës së Lidhjes Demokratike që në kuadër të marrëveshjes për bashkëqeverisje të përfshihet edhe posti i presidentit të vendit.

Përgjatë negociatave janë hedhur ide nga më të ndryshmet lidhur me marrëveshjen ndërsa i vetmi qëndrim i pandryshueshëm deri tash është këmbëngulja e të dyja partive se nuk ka alternativë tjetër përveç koalicionit ndërmjet tyre, me kusht që kjo të nënkuptojë edhe zgjedhje të reja.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ish deputeti Xhemal Gjunkshi, të emëruarit të Ramës në bashkinë Bulqizë: Lefter DORËHIQU!

Politikë

Ish deputeti Xhemal Gjunkshi, të emëruarit të Ramës në bashkinë Bulqizë: Lefter DORËHIQU!

Kryeministri duhet të kishte shkarkuar Leter Allën, të droguarin e Bulqizës. Heshtje dhe indiferentizëm pas transmetimit të videos shokuese të transmetuar në ABC TV, ku shihet Kryebashkiaku i emëruar nga Edi...

‘Anti-shpifja’ për shqyrtim në Komisionin e Venecias, ish-deputetja e opozitës: Akti i KiE zbulon fytyrën e qeverisë

Politikë

‘Anti-shpifja’ për shqyrtim në Komisionin e Venecias, ish-deputetja e opozitës: Akti i KiE zbulon fytyrën e qeverisë

Pasi Këshilli Europian kërkoi që paketa ‘Anti-shpifje’ të shkojë për shqyrtim në Komisionin e Venecias, vjen një reagim dhe nga ish-deputetja e LSI-së Kejdi Mehmetaj. Përmes një mesazhi Mehmetaj thekson...

200 lëkundje tërmeti në Turqi nga mbrëmja e djeshme

Globi

200 lëkundje tërmeti në Turqi nga mbrëmja e djeshme

Turqia është goditur nga një numër tërmetesh gjatë mbrëmjes së djeshme dhe ditës së sotme. Turqia ka përjetuar momente tmerri, gjatë natës së kaluar, teksa është goditur nga rreth 200...

Sondazh

Nothing found!

Sondazh

Nothing found!