Haradinaj, thirrje Albin Kurtit: Mos u vono, bëj qeverinë ose hap rrugën

Saturday, 11 Janar 2020 10:04

ryeministri në largim, Ramush Haradinaj, ka porositur kryetarin e Lëvizjes Vetëvendosje, Albin Kurtin, që të gjejë formulën për të krijuar shumicën parlamentare në mënyrë që t’i jepet fund epilogut për formimin e qeverisë së re.

Haradinaj në një intervistë për Ekonomia Online, thotë se është koha e fundit që Kurti si fitues i zgjedhjeve të deklarohet se çka propozon për gjendjen e krijuar, pasi konsideron se Kosova po rrezikon shumëçka për shkak të vazhdimit të takimeve pa kufi. Në të kundërt, Haradinaj kërkon nga Kurti që të hapë rrugë për opsione të tjera.

“Unë pres nga z. Kurti që t’i thërrasë ndërgjegjes së vet. Ose ta gjejë formulën të bëjë shumicën, në këtë rast me LDK-në, sepse unë s’jam palë e negociatave, ose të hapën rrugë. Të deklarojë çka i propozon Kosovës fituesi i zgjedhjeve në këtë rast. Le të deklarohet për çka është: A është për një qeveri teknike, a është për një qeveri tjetër, a është për të shkuar në zgjedhje? Por diçka duhet t’i thotë Kosovës, nuk mund ta mbajë vjerr.

 

Nuk po e them këtë me e zënë ngushtë Kurtin, sepse Kosova është e zënë ngushtë. Detyrat e qeverisë janë në krizë, shiheni procesin. Unë jam i detyruar t’i them këto për shkak se unë më së miri e di se jam kryeministër në detyrë dhe jam përgjegjës. Dhe unë po i tregoj z.Kurtit se nuk është mirë të vonohet. Të lutem mos u vono: Ose krijo shumicën, ose jepi epilog kësaj gjendjeje. Sepse po rrezikojmë më shumë sesa një parti. Pra po rrezikojmë funksionimin e vendit”, thotë kryeministri në largim.

 

“Tani edhe unë kam frikë, jo pse unë s’dua të punoj, por kam frikë nëse kjo situatë vazhdon gjatë. Pra kam frikë për Kosovën, jo për vete dhe AAK-në. Nëse fituesi i zgjedhjeve nuk e merr mandatin nuk i respekton afatet, pra nuk e kuptoj këtë gjendje. Kjo për mua është tepër e pakuptueshme. Përveçse është e pakuptueshme, është edhe e rrezikshme. Mendoj që kjo qasja e z.Kurtit, vonesat, nuk janë në rregull. Është kuptuar ndoshta derisa nuk është çertifikuar rezultati dhe deri sa nuk është konstituua parlamenti, por tani e tutje është problem kjo gjendje”, thotë Haradinaj. 

Pavarësisht që për mosarritje të marrëveshjes së koalicionit po shihen edhe kërkesat e tepruara të LDK-së, Haradinaj përgjegjës kryesor dhe të vetëm për formimin e qeverisë po e konsideron Albin Kurtin.

“Ajo çka më shqetëson është mbajtja peng e procesit. Sot është një situatë shumë e qartë. Mos harroni nuk e them këtë pse është z.Kurti edhe pse kam deklaruar se çka mendoj për të, por sikur të ishte çdo parti, edhe AAK-ja, parimisht kisha deklaruar se s’bën ta mbajmë peng vendin pa epilog.

Duhet t’i japim përgjigje vendit për shkak se jemi në gjysmë të janarit gati dhe për shkakun se është procedurë kohore çështja e buxhetit. Nuk është përgjegjësia te partia e dytë, por në sistem tonin përgjegjësinë për të krijuar institucione e ka vetëm Albin Kurti dhe VV-ja. Por nuk mundesh ti sot t'ju thuash partive. Nuk është duke formuar qeveri LDK-ja, ajo i bashkohet një qeverie. Përgjegjësia bie mbi z. Kurtin, ai duhet të dijë t’i akomodojë të gjithë ata me të cilët do që të bëjë shumicën parlamentare”, pohoi Haradinaj për EO.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ish deputeti Xhemal Gjunkshi, të emëruarit të Ramës në bashkinë Bulqizë: Lefter DORËHIQU!

Politikë

Ish deputeti Xhemal Gjunkshi, të emëruarit të Ramës në bashkinë Bulqizë: Lefter DORËHIQU!

Kryeministri duhet të kishte shkarkuar Leter Allën, të droguarin e Bulqizës. Heshtje dhe indiferentizëm pas transmetimit të videos shokuese të transmetuar në ABC TV, ku shihet Kryebashkiaku i emëruar nga Edi...

‘Anti-shpifja’ për shqyrtim në Komisionin e Venecias, ish-deputetja e opozitës: Akti i KiE zbulon fytyrën e qeverisë

Politikë

‘Anti-shpifja’ për shqyrtim në Komisionin e Venecias, ish-deputetja e opozitës: Akti i KiE zbulon fytyrën e qeverisë

Pasi Këshilli Europian kërkoi që paketa ‘Anti-shpifje’ të shkojë për shqyrtim në Komisionin e Venecias, vjen një reagim dhe nga ish-deputetja e LSI-së Kejdi Mehmetaj. Përmes një mesazhi Mehmetaj thekson...

200 lëkundje tërmeti në Turqi nga mbrëmja e djeshme

Globi

200 lëkundje tërmeti në Turqi nga mbrëmja e djeshme

Turqia është goditur nga një numër tërmetesh gjatë mbrëmjes së djeshme dhe ditës së sotme. Turqia ka përjetuar momente tmerri, gjatë natës së kaluar, teksa është goditur nga rreth 200...

Sondazh

Nothing found!

Sondazh

Nothing found!