Nga Kastriot Dervishi

Studimi nga pikëpamja antropologjike e kuadrit të Sigurimit të Shtetit, jo vetëm që është interesant, por plotëson deri në thellësi të çështjes, në zemër të saj, çfarë kanë qenë ata. Një koleksion i madh fotografik në ndriçon deri në qelizë se çfarë përfaqësonin njerëzit të cilët udhëheqja i quante “punëtorë partie” e që drejtonin goditjen e “armikut të klasës”. Siç edhe dihet, shumica e oficerëve të kësaj arme, madje edhe ata që u bënë gjenerala e kolonela, nuk ishte veçse me arsim fillor 1-4 klasë. Kryesisht ishin bujq, çobanë dhe zanatçinj të vegjël. Deri në kohën e mbajtjes së gradave uniforma e oficerit të Sigurimit ishte e njohur. Më pas veshja civile u bë më e njohura.