Nga Kastriot Dervishi
Përkujtojmë sot përvjetorin e ekzekutimit të poetëve Vilson Blloshmi e Genc Leka. Procesi ndaj tyre u zhvillua në Librazhd më 6-13 qershor 1977. Me vendimin nr.45, datë 13.6.1977 Gjykata e Rrethit Librazhd, i dënoi poetët me vdekje, pushkatim dhe Bedri Blloshmin me 25 vjet burgim. U la në fuqi nga Gjykata e Lartë me vendimin nr.202, datë 2.7.1977. Më 16.7.1977 Presidiumi i Kuvendit Popullor njoftoi refuzimin e faljes së jetës. Një ditë më pas, ministri i Punëve të Brendshme nxjerr urdhërekzekutimin, i cili realizohet më 17.7.1977.
Në dosjen agjenturiale-operative në ngarkim të Vilson Blloshmit, gjendet edhe një bllok me shënime të tij. Në të janë të shkruara disa aforizma. Disa kanë emër autorësh e disa jo. Të mëposhtmet nuk janë autor. Mbase janë krijime të Vilsonit. Duke mos ditur saktë autorësinë e tyre, kam zgjedhur tre fragmente:
-Të jetosh pa qëllimin e të jetuarit, d.m.th. të kesh vdekur, duke e ditur se ke vdekur.
-Shpeshherë në shpirt kemi një boshllëk që nuk i shpëton domosdoshmërisë së mbushjes. Mjerë ai që e mbush atë me gurë.
-Unë jetova. Unë nuk kam asgjë se u përkas të gjithëve, prandaj jam i lumtur..., prandaj vlerësoj më tepër se çdo gjë, të kundërtën.
Skeda e përndjekjes së Vilson Blloshmit
-15.2.1975 në përpunim paraprak PP
-11.8.1975 në kontroll operativ 2B
-10.5.1976 në përpunim aktiv 2A
-5.8.1976 arrestohet
-17.7.1977 ekzekutohet
Skeda e jetës
18.3.1948 u lind në Bërzeshtë
1962-1966 nxënës në Shkollën Pedagogjike “Luigj Gurakuqi” Elbasan
1966-1968 punëtor në ndërmarrjen e drurit në Stravaj
1968-1970 ushtar në Tale të Lezhës
1970-1973 në kooperativë bujqësore
1973-1975 minator në minierën e Përrenjasit
1975-1976 në kooperativë bujqësore
Skeda e përndjekjes së Genc Lekës
-16.3.1959 përpunim paraprak
-13.4.1960 kontroll operativ 2B
-16.12.1969 përpunim aktiv 2A
-10.7.1972 kontroll operativ 2B
-15.7.1976 përpunim aktiv 2A
-31.8.1976 arrestohet
-17.7.1977 ekzekutohet
Skeda e jetës
15.8.1941 u lind në Bërzeshtë
1956-1960 nxënës në Shkollën Pedagogjike “Luigj Gurakuqi” Elbasan
1960-1966 arsimtar në Zdrajsh të Librazhdit
1966-1968 ushtar në Repartin ushtarak nr.4037 Cërrik dhe nr.3202 Elbasan
1968-1976 punëtor në fermë
