1947/I varrosur në oborrin e Sigurimit

E Enjte, 24 December 2020 16:38

Nga Kastriot Dervishi

Foto Nini vdiq në birucat e Seksionit të Sigurimit të Sarandës më 31.7.1947 në moshën 26 vjeçare. U varros në oborrin e Sigurimit të Shtetit. familja kërkonte eshtrat e tij. Më poshtë lexoni letrën e babait 85 vjeçar dhe përgjigja e Komitetit Qendror të PPSH-së, të cilët thoshin se nuk dinin gjë.

***

Komitetit Central të Partisë Komuniste, Tiranë

Shok anëtar! Më datë 31.5.1947 më është arrestuar djali im Foto Nini nga organet e Sigurimit të Sarandës, si person i dyshimtë për ata. Kujtoja se unë baba i tyre, gruaja e tij, mëma, vëllai e të gjithë pjesëtarët e familjes se djalin e kemi në duart e Sigurimit, diku i izoluar në ndonjë burg, por pa nam e nishan thotë një proverb popullore. Mbas kthesës dhe si morën ju frenat e Ministrisë së Brendshme, trockistit pa princip Koçi Xoxe dhe në diskutim-sqarimet, etj, që ju bënë popullit nga ana e njerëzve të pushtetit në kinema të ndryshme, na u deklarua haptazi nga organet e Sigurimit të Sarandës se Foto Nini nga torturat e shumta, ju shkaktua vdekja dhe është varrosur në kopshtin e Seksionit të Sigurimit të Sarandës. Nuk dua të zgjatem dhe nuk mund të ndërhyj në punët e Sigurimit, por vetëm më imponohet t’ju vë në dukje se nuk guxoj të shkoj në shtëpi nga mëma, gruaja e tij, më kërkojnë trupi t tij ta qajnë e ta varrosin (dhe kanë të drejtë). I jam drejtuar Ministrisë së Punëve të Brendshme, por mbasi nuk kam asnjë përgjigje, mora guximin e ju drejtohem juve o djem të dashur dhe ju lutem: Në qoftë se nuk gjen ndonjë pengesë, të urdhërohet Seksioni i Sarandës të na dorëzojë trupin e tij për ta varrosur në varrezat popullore. Në rast të kundërt, ju lutem t’i njoftohet Komitetit Ekzekutiv këtu që të mbledhim mendjen e të mos vazhdojmë të kërkojmë trupin e tij. 

Vdekje fashizmit - liri popullit

Nga katundi Nivicë Bubar e banues në Sarandë

85 vjeçar, babai i Foto Ninit

Lel Nini

(Vangjel Nini)

***

Seksioni administrativ

Komitetit të PPSH-së së Rrethit Sarandë

Z.Vangjel Nini nga katundi Nivicë Bubar e banues në Sarandë i ka drejtuar një lutje Komitetit Qendror dhe kërkon që t’i jepet autorizimi që të tërheqë eshtrat e djalit të tij Foto Nini nga kopshti i Seksionit të Sigurimit të atyshëm, ku sipas pohimeve të të interesuarit, Foto Nini është varrosur nga njerëzit e Sigurimit mbasi i është shkaktuar vdekja prej torturave. Për sa më sipër, t’i thuhet z.Vangjel Nini se Komiteti Qendror nuk ka dijeni nëse është e vërtetë që djali i tij të jetë varrosur në kopshtin e Seksionit të Sigurimit të Sigurimit të Sarandës, prandaj ai mund t’i drejtohet për këtë çështje Seksionit të Punëve të Brendshme aty dhe të marrë sqarimet e nevojshme.  

Drejtori i Kuadrit

Teodor Heba

Modifikuar më E Enjte, 24 December 2020 16:53
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...