1952/Letër nga kampi i Valiasit: Më keni internuar nënën

Premte, 04 June 2021 15:13

Kampi i Valiasit është ndër më të njohur në vitet 1945-1953. Këtu është punuar kryesisht në fermën “Ylli i kuq” për punime në bujqësi. Kryesisht të internuarit vinin nga jugu i Shqipërisë. Në një letër, një i ri ankohet se i kishin internuar nënën dhe vetë ishte përjashtuar nga shkolla me dyshimin se nëna mund të arratisej. Nëna e shkruesit, e vetme duhej të përballte jetën e rëndë të kampit të internimit.

Letra

Kryeministrit të RP Shqipërisë, gjeneral-armate, Enver Hoxha

I nënshkruari Jorgji Kiço nga e banues në katundin Shëndre, kam nderin t’ju parashtroj lutjen time sa më poshtë:

Shkaqet kryesore që më shtyjnë t’ju drejtohem drejtpërsëdrejti juve sh.komandant janë këto:

1-Nëna ime e quajtura Dhespo Kiço është arrestuar nga Sigurimi i rrethit Sarandë me datën 25.10.1950 dhe pas pak ditëve është internuar në fermën “Ylli i kuq” Kamzë Tiranë dhe nuk di arsyet dhe në çdo seksion që jam drejtuar nuk më është dhënë përgjigja e shkakut të arrestimit.

Unë kam dëgjuar jo zyrtarisht por nga shokët se shkaku i arrestimit është që nëna ime kishte qëllim që të arratiset në Greqi gjë që nuk e pranoj me asnjë mënyrë dhe jam i sigurt se këto informata janë të gabuara. Për këto arsye:

a-Se babai im i quajturi Andresa Kiço nuk ndodhet në Greqi por në Egjipt. Ndodhet atje nga koha e Zogut, si gjithë të mërguarit që kanë lënë atdheun tonë të dashur...

b-Nëna ime kurdoherë përpiqej me punë të ndryshme dhe jashtë shtëpisë sime e shkonte në fushën e Vurgut të siguronte nevojat e familjes.

2-Unë kam vajtur në shkollën industriale në Kombinatin Tekstile “Stalin” dhe kam bërë 2 muaj kurs në kursin që kam patur qëndrim të mirë dhe në mësimet kisha notat e mira. Mirëpo fatkeqësisht nga shkaku i internimit të nënës sime, jam përjashtuar nga kursi.

Shëndre

3.1.1952

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Fatbardh Kadilli pranon humbjen: Nuk largohem as do krijoj parti të re

Politikë

Fatbardh Kadilli pranon humbjen: Nuk largohem as do krijoj parti të re

  Fatbardh Kadilli shpalli i pari ambicien për të marrë kreun e PD-së por në zgjedhjet e të dielës u rendit i fundit ndër katër kandidatët. Para mediave, ai tha se zgjedhjet...

Presidenti, i vetmi institucion legjitim, ktheu mbi 60 ligje antikushtetuese

Politikë

Presidenti, i vetmi institucion legjitim, ktheu mbi 60 ligje antikushtetuese

  Nga Erisa Xhixho/ Një parlament ilegjitim, jopërfaqësues, njëpartiak, i cili duhet të ishte shpërndarë 1 muaj para zgjedhjeve ngre një komision hetimor në kundërshtim me ligjin dhe merr një vendim antikushtetues...

Deputetja Dhimitri kundër shkarkimit të Metës: Hakmarrje, pasi nuk bën kompromis me krimin si qeveria

Politikë

Deputetja Dhimitri kundër shkarkimit të Metës: Hakmarrje, pasi nuk bën kompromis me krimin si qeveria

  Deputetja Fatjona Dhimitri u shpreh kundër shkarkimit të Presidentit Ilir Meta. Në fjalën e saj në Kuvend, ajo nuk i kurseu akuzat në drejtim të socialistëve ndërsa e cilësoi këtë...