1943/Xoxe dhe Popoviçi për luftën civile

Tuesday, 08 June 2021 18:59
Koçi Xoxe gjatë luftës Koçi Xoxe gjatë luftës

Koçi Xoxe ishte numri 2 i partisë. Miladin Popovii ishte numri 1, por formalisht udhëheqës quhej Enver Hoxha. Se si po zhvillohej lufta civile në Shqipëri këtë e tregon letra e datës 7 dhjetor 1943, e Koçi Xoxes dhe Miladin Popoviçit (“Aliu”) për Enver Hoxhën (“Tarasi”). Më poshtë një ekstrakt i kësaj letre:

Më datën 3 kaluam urën e Haxhi Beqarit mirë. Nga Fusha e Buallit. Në Polis situata me ballistët që kanë marrë armë nuk është dhe aq kritike. Në fakt ata qëndrojnë në pozitat e neutralitetit. Thonë: Neve nuk shkojmë të luftojmë vëllezërit tanë. Partizanët që kalojnë andej nuk janë çarmatosur, bukë kanë ngrënë. Një nga krerët ballistë, jo Neziri (ky është në Tiranë) kishte kërkuar që të shkojnë në Bërzeshtë të luftojnë. Nuk i kishin shkuar pas. Kur dolëm në Shpat të parë, lufta me ballistët e nisur në Dumres po bëhej në Shpat. Forcat tona ishin tërhequr në malësitë Gjinar-Zavalinë dhe këta mendonin se deri në këto katunde mund të arrinte reaksioni. Situata mjaft e alarmuar. Petriti (Hakani) me partizanët mjaft tërheqje të mëdha kishte bërë duke pasur si shkak mungesën e municionit, shumë fshatarë u lanë pa u mbrojtur.

Kalimi tonë përmes Vërçës paraqitet mjaft i errët, sepse panikun na e shtonin njerëzit e luftës tonë, të Shpatit, se pse kishin zjarrin mbi kokë, por neve kaluam mirë. Edhe Vërça qëndron në dukje, pjesa më e madhe si ballistë, por në realiteti e gjitha qëndron në pozita neutrale, jashtë luftës me rreziqe, sidomos jashtë luftës vëllavrasëse. Kudo shok, panik dhe alarm dhe pa ekzagjerime këtë gjë e gjen dhe në radhët e partizanëve. Në popull fama e brigadës dhe besimi në të është shumë i madh...

Forcat e bashkuara të reaksionit me në krye Haki Blloshmin, me reaksionarët e anës së Librazhdit e shkelën të gjithë Mokrën dhe sonte janë ca lajme pa siguri nga ana e ballistëve që ata kanë arritur edhe deri në Niçë. Të vrarë ka mjaft nga të dy anët, sigurisht nga ata ka më shumë. në këto veprime ka marrë pjesë dhe batalioni i Spiro Shalësit. Po në këtë fshat, na thanë se gjatë 10 (ditëve) është bërë luftë nga Guri i Prerë (Dushar). Këta thonë se Brigada e Parë ndodhet në këto luftime, por kjo ka pak të ngjarë.

Në Mokër, reaksionarët me dru po e çarmatosin popullin dhe po e detyrojnë t’i dorëzojnë. Njerëzit e tyre kanë djegur edhe disa shtëpi si në Velçan e gjetkë...Për masat që duhet të merrni në veprimet e pastrimit e tërë urrejtja dhe hakmarrja të bjerë në krerët dhe vetë, në krerë dhe popullit me anën e konferencave t’i tregoni rrugën e tradhtisë që ndjek Balli..

Modifikuar më Tuesday, 08 June 2021 19:00

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Fatbardh Kadilli pranon humbjen: Nuk largohem as do krijoj parti të re

Politikë

Fatbardh Kadilli pranon humbjen: Nuk largohem as do krijoj parti të re

  Fatbardh Kadilli shpalli i pari ambicien për të marrë kreun e PD-së por në zgjedhjet e të dielës u rendit i fundit ndër katër kandidatët. Para mediave, ai tha se zgjedhjet...

Presidenti, i vetmi institucion legjitim, ktheu mbi 60 ligje antikushtetuese

Politikë

Presidenti, i vetmi institucion legjitim, ktheu mbi 60 ligje antikushtetuese

  Nga Erisa Xhixho/ Një parlament ilegjitim, jopërfaqësues, njëpartiak, i cili duhet të ishte shpërndarë 1 muaj para zgjedhjeve ngre një komision hetimor në kundërshtim me ligjin dhe merr një vendim antikushtetues...

Deputetja Dhimitri kundër shkarkimit të Metës: Hakmarrje, pasi nuk bën kompromis me krimin si qeveria

Politikë

Deputetja Dhimitri kundër shkarkimit të Metës: Hakmarrje, pasi nuk bën kompromis me krimin si qeveria

  Deputetja Fatjona Dhimitri u shpreh kundër shkarkimit të Presidentit Ilir Meta. Në fjalën e saj në Kuvend, ajo nuk i kurseu akuzat në drejtim të socialistëve ndërsa e cilësoi këtë...