Për herë të parë, në vitin 1938 Mbretëresha Geraldinë iu prezantua popullit të kryeqytetit nga ballkoni i shtëpisë së Banush Hamdi Begos. Kjo godinë, e gjendur në rrugën “Luigj Gurakuqi” (ish “Aubry Herbert”) në krah të majtë pak metra para se të shkosh te pazari i ri, u ndërtua në vitet 1935-1936. Është ndër godinat më të bukura të trashëguara në Tiranë. Shpresojmë të ngeli e tillë. Ngjitas janë foto e vitit 1938 dhe vitit 2021.
Në ceremoninë përkatëse dallohen në vijën e parë, nga e majta: Ekrem Libohova, Faik Shatku, Hiqmet Delvina, Kostaq Kotta (kryeministri), Fejzi Alizoti, Abedin Nepravishta (kryetari i bashkisë) dhe Javer Hurshiti.
