Trazirat mes Palestinës dhe Izraelit po degradojnë çdo ditë e më shumë, ndërsa objekt i këtij debati të rihapur mes dy vendeve fqinje është vrasja e një të riu palestinez nga ushtria izraelite.

Ditën e sotme një deklaratë e fuqishme ka ardhur nga Kamel Hawwash, anëtar i grupit ‘Solidariteti i Palestinës’, i cili ka deklaruar se i riu është përdorur si objekt prove dhe shënjestre nga ushtarët.

Hawwash e ka cilësuar rastin si ç’njerëzor, ndërkohë që ka thënë se palestinezi është qëlluar me snajper.

Palestinezi u vra më 22 dhjetor në kufirin mes dy vendeve gjatë një demostratë paqësore në qytetin e Gazas, një akt ky që ka bërë që qytetarët e Palestinës të mos ‘falin’ rojet kufitare duke djegur çdo gjë që u del përpara. Deri më tani nga protesta e dhunshme janë shënuar rreth 30 viktima.