Bilanci i viktimave nga zjarret masive të 24 korrikut është rritur, ndërsa numri i personave që humbën jetën ka shkuar në 94. Mediat greke raportojnë se ky është numri zyrtar i publikuar nga autoritetet shtetërore.

Mes personave që humbën jetën janë edhe dy që ende nuk janë identifikuar, pasi asnjë familjar nuk është paraqitur për të dhënë ADN-në, shkruan ‘Kathimerini’.

Zjarri masiv që përfshiu Greqinë shkaktoi jo vetëm viktima, por edhe dëme materiale. Sakaq, mes viktimave ishin dhe 11 fëmijë, ku më e riu në moshë ishte një foshnjë 6-muajshe.